மண்ணில் நல்ல - கிறிஸ்துமஸ் பாடல்

பல்லவி

மண்ணில் நல்ல மாந்தருக்கு 
செய்தி ஒன்று வந்தது 
தெய்வம் மனித உருவில் வந்தது

அநுபல்லவி
 
புதிய வாழ்வு ஆ... 
மாட்டு குடிலிலிருந்து ஆ...
விடுதலை தர‌ விரைந்திங்கு வர 
அன்பு வாழ்வு பொங்கி எழ

சரணம் 1

காவல் காத்து வந்த ஏழை ஆயர்களை
வாசல் திறந்து வைத்து வானகமே அழைத்தது - 2
ஏழைகளை பேறு பெற்றோர் - 2 
என்று ஆர்த்தெழும் ஒரு அருளொளி தனை
பாருலகம் கண்டுவிட - மண்ணில்...

சரணம் 2

இரவில் வாழ்ந்தவரை காலைப் பேரொளியின்
உதயம் காணச் சொல்லி உன்னதமே அழைத்தது - 2
புதுவுலகம் பிறந்துவிடும் - 2
என்ற உறுதியும் வரும்; உவகையும் தரும்
நீதி என்றும் ஆண்டு வரும் - மண்ணில்...